| ..::ادخل وجوف برجك بالبحريني::.. | |
|
|
كاتب الموضوع | رسالة |
---|
Dm3aT-70b Admin
عدد الرسائل : 91 العمر : 36 العمل/الترفيه : sTuDeNt In UoB تاريخ التسجيل : 10/09/2008
| موضوع: ..::ادخل وجوف برجك بالبحريني::.. السبت سبتمبر 13, 2008 1:44 am | |
| تحيهـ إلى جميعـ الأعضاء الكرامـ .. اليوم جايبة ليكم أبراجـ بحرانيهـ .. اللي ما فيه شده مزاح لا يطالع برجه ..
بسم الله نبدأ:
20/1/ الى 18/2/ برج الخوصه:
هدا برج الخوصه اكو مبين من اسمه يعني اللي مولود في هالبرج ضعيف مضعرط ما ياكل .. أو ساعات تشوفه يفكر أو ما تدري ويش اللي يفكر فيه لانه مخه ما يشتغل مشير يعني .. اللي يميز هدا البرج انه ناري أو كله يبي يتهاوش ..
19/2/ الى 20/3/ برج الرسته:
صاحبه عنيف وقوي ما يهمه شي واذا جماعه طبوا عليه أيشلخهم كلهم عساهم لو فلافه انفار .. مزوح وما يحب الهدره واجد .. طيب أو على نياته ..ساعات يقصون عليه .. يعني قوي أو ما فيه مخ ..
21/3/ الى 19/4 برج الدوشغ:
من اسمه امبين عليه اطبانة نوووم .. يحب الحياه ويحب يدور في سيارته (توهندرد) ويا رفقاته الشله يعني .. كريم يصرف على الموتر ازيد من يصرف على روحه .. اذا عنده دينار يشتري اليه باليس ويضرب سيارته ولا يأخذ صابون وينظف روحه ..
20/4/ الى 20/5/ برج فانيله مخططه:
هدا واحد شايت الدنيه جوتي .. اكل أو نوم أو كوره .. كل ما تقول ليه دور شغل يقول .. ما امبي اشتغل .. بس الشي الوحيد اللي مخلنه حلو عند الناس .. انه ما يرد احد في طلب .. لكن نحيس ساعات مو واجد ..
21/5/ الى 21/6/ برج الغرشه:
مواليد هدا البرج ناس اوادم طيبين حلوين .. ما فيه قرقر واجد .. يعني رجال رزين .. يقدر الحياه الزوجيه ويكره العزوبيه والعزابين .. ايحب ايشوف كل الناس معرسين مفله .. فيه عيب واحد .. القص .. ايحش واجد..
22/6/ الى 22/7/ برج الباميه:
احسن برج من بين الابراج .. ليش؟ لانه واحد جنتل مان يعني كشخه وكل بدله من عند امه تلبسه اياه وابوه عنده خير ( الله يغربله هو وابوه ) أو كل يوم سياره جديده ويا الدريول ماله راجو .. بس اللي باط جبدي انه يفهم في المدرسه (خبري اللي عندهم بيزات اليك عليهم شوي) ..
23/7/ الى 22/8/ برج الدفه:
صاحب او صاحبة هالبرج شغل عدل .. مكيف اربع وعشرين ساعه .. يحب يطالع المسلسلات المكسيكية .. ايموت في شي اسمه السيف ياطالع ياداش يا داش يا طالع .. واجد ايروح سوق الاربعه .. بس ما يشتري شي .. لانه كله مفلس وعليه ديون (من فوق الله الله ومن تحت .. خرمبرم) ..
23/8/ الى 22/9/ برج العوسج:
هدا عاااااد يحب البريه ويحب يروح صوب الصفاصف يدور بلابيل .. شغلته بس يحدق اليهم .. طيب ورزين وحبَوب .. يحب من الأكل اللوبه والخبز الاسمر (طالع على العصافير ماله) .. قليل النوم .. ساعات تشوفه اتدق عليه ويصوفر ابروحه ( الله يفبت علينه العقل) ..
23/9/ الى 22/10/ برج السجين:
واحد دكي وغبي في نفس الوقت ( شفيها ركبها ما اعرف) .. ملول وما يطاوع احد .. ساعات يطلع بره ويا ربعه الصبيان يهاجلون شبة الشمس .. وساعات وينك يالسيكل .. يدور من محل الى محل (اتقول عاطينه قنطراز) .. الشي المميز فيه .. شعره كشه تعرفه من بعيد ..
23/10/ الى 21/11/ برج السعفه:
واحد غريب كله ضايق خلقه وبس .. ما يطلع من بيتهم .. ما يتكلم ويا احد .. ساعات ايروح من صباحة الله خير يشتري خبز دبل ويقعد يطحن ويا شاي حليب .. مفلس وما يشتغل .. اهم ما يميزه انه ما يضر احد (أحسن شي يسويه) ..
22/11/ الى 21/ 12/ برج الموتر:
شخص غريب الاطوار .. لو تقعد وياه ما يعطيك لا حق ولا باطل .. يحب الكوره في شبة الشمس .. اتشوفه مبدل ويروح الحوطه يقعد اليه شوي .. يحب الناس كل الناس .. تشوفه ساعات مفهي.. ما تدري في ويش ايفكر (من كفر عماراته الزايده يمكن) .. اهم ما يميزه انه رقيق ..
22/12/ الى 19/1/ برج الباغلا:
هدا من اصعب الناس اللي يمكن يواجهك في حياتك .. تقوله يمين يقولك يسار .. اتقوله فوق يقولك تحت .. غربال .. نصيحه مني اذا عرفت واحد من هالبرج سوى روحك ما تشوفه وأشرد بسرعه عنه لا يعديك .. لانه سمعت الك خبر انه هالايام الابراج تعدي .. وخصوصاً برج الباغلا ..
| |
|
| |
Dm3aT-70b Admin
عدد الرسائل : 91 العمر : 36 العمل/الترفيه : sTuDeNt In UoB تاريخ التسجيل : 10/09/2008
| موضوع: رد: ..::ادخل وجوف برجك بالبحريني::.. السبت سبتمبر 13, 2008 1:59 am | |
| هههههههههههههههه من ناحية الملوووووولة اي والله صدقوووو ننتظر الباقين خخخخخخخخ | |
|
| |
7o0or-al3in
عدد الرسائل : 75 العمر : 30 تاريخ التسجيل : 12/09/2008
| موضوع: رد: ..::ادخل وجوف برجك بالبحريني::.. السبت سبتمبر 13, 2008 3:52 am | |
| ويلي على برجي برج الرسته ههههههههههههه يسلمووو | |
|
| |
هديل الحب
عدد الرسائل : 15 العمر : 30 تاريخ التسجيل : 10/09/2008
| موضوع: رد: ..::ادخل وجوف برجك بالبحريني::.. السبت سبتمبر 13, 2008 12:20 pm | |
| هههه خطيرر برجي
هدا من اصعب الناس اللي يمكن يواجهك في حياتك .. تقوله يمين يقولك يسار .. اتقوله فوق يقولك تحت .. غربال .. نصيحه مني اذا عرفت واحد من هالبرج سوى روحك ما تشوفه وأشرد بسرعه عنه لا يعديك .. لانه سمعت الك خبر انه هالايام الابراج تعدي .. وخصوصاً برج الباغلا ..
يسلموووو دمعة | |
|
| |
Dm3aT-70b Admin
عدد الرسائل : 91 العمر : 36 العمل/الترفيه : sTuDeNt In UoB تاريخ التسجيل : 10/09/2008
| موضوع: رد: ..::ادخل وجوف برجك بالبحريني::.. السبت سبتمبر 13, 2008 6:36 pm | |
| هههههههههههه حاضرين ومشكوووورين على مرووكم بس يناسبكم ولا لالا قول الصراحه هههههههه | |
|
| |
دانة البحرين
عدد الرسائل : 56 تاريخ التسجيل : 12/09/2008
| موضوع: رد: ..::ادخل وجوف برجك بالبحريني::.. السبت سبتمبر 13, 2008 8:41 pm | |
| ككككككككككككككك ويلي ما اقدر شنو هالبرج ويلي ما اقدر اكمل القراءة مشكورة خيتي عالموضوع عساج عالقوة ننتظر جديدج ان شاء الله | |
|
| |
Dm3aT-70b Admin
عدد الرسائل : 91 العمر : 36 العمل/الترفيه : sTuDeNt In UoB تاريخ التسجيل : 10/09/2008
| موضوع: رد: ..::ادخل وجوف برجك بالبحريني::.. الأحد سبتمبر 14, 2008 1:07 am | |
| تسلمييين عمري
مرووورج الاحللللللللللى | |
|
| |
7o0or-al3in
عدد الرسائل : 75 العمر : 30 تاريخ التسجيل : 12/09/2008
| موضوع: رد: ..::ادخل وجوف برجك بالبحريني::.. الأحد سبتمبر 14, 2008 1:45 pm | |
| صاحبه عنيف وقوي ما يهمه شي واذا جماعه طبوا عليه أيشلخهم كلهم عساهم لو فلافه انفار .. مزوح وما يحب الهدره واجد .. طيب أو على نياته ..ساعات يقصون عليه .. يعني قوي أو ما فيه مخ .. لالا من قال عاد عنيف وقوي بالعكس يكسروني تكسير اني بعض الناس ماقدر عليهم مو بعد عشره خخخ واني احب الهدره واااجد العكس يعنوو هههههه يمكن في هذي صدق مافيني مخ ككك | |
|
| |
Dm3aT-70b Admin
عدد الرسائل : 91 العمر : 36 العمل/الترفيه : sTuDeNt In UoB تاريخ التسجيل : 10/09/2008
| موضوع: رد: ..::ادخل وجوف برجك بالبحريني::.. الإثنين سبتمبر 15, 2008 6:08 am | |
| ههههههههههههههه حلوة مافيش مخ خخخخخ | |
|
| |
7o0or-al3in
عدد الرسائل : 75 العمر : 30 تاريخ التسجيل : 12/09/2008
| موضوع: رد: ..::ادخل وجوف برجك بالبحريني::.. الأربعاء سبتمبر 17, 2008 2:34 pm | |
| هههههههههههههههه من قال مافيني مخ >> امزح هع | |
|
| |
| ..::ادخل وجوف برجك بالبحريني::.. | |
|