السلام عليكم ..
شحالكم ..
ان شاء الله بخير
ويالله نبدء في الطريقه .. والطبخ
اول شي ناخذ بصل ونقطعه جوانح ..
ونحطه على النار مع اشوي زيت لما يذبل ..
نقطع طماطه .. فلفل بارد .. فلفل حار .. ثوم ..
ونحطه على البصل .. ونقلبه لما يذوب الطماطم ..
بعدين نحط صلصه الطماطم .. واللحم .. والبهار .. والملح .. ونقلبه ونخليه لما يستوي اللحم وينشف الماي ..
وجذيه خلصنا من اللحم ونخليه على جنب ..
الحين نسوي الصلصه .. للبشاميل ..
ناخذ اشوي زيت ونحميه .. على النار .. ونخلط معاه اشوي طحين ..
لما يتجانسون ..
ونباعدهم عن النار ..
وناخذ حليب جاهز .. ولا حليب بودره .. ولزمن يكون دافي اشوي ..
ما يصلح بارد ..
نحطه فوق الطحين ونخلطه عدل ..
وبعدين نرجعه على النار واحنا نحركه ..
وراح يثقل بسرعه ويصير غليظ جنه كريمه ..
وتقدرون نضيفيون اي بهار عليه او ملح بس .. على راحتكم
وهذا شكله ..
الحين ناخذ اشوي مشروم .. ونقليه في الزيت ..مع ملح اشوي وفلفل اسود ..
بعدين نضيف عليه كريمه خفق .. ونخليه على النار يغلي ..
لما يصير ثقيل .. ونخليه بعدين على جنب
الحين ناخذ صحن بايركس .. ونحط فيه طبقه من المعكرونه ..
انا استخدمت اسباجيتي للتغير .. عادي ما يفرق اي نوع ..
وبعدين نحط طبقه من صلصه البشاميل ..
وبعدين طبقه من اللحم ..
وبعدين المشرووم .. ونقدر على الجوانب نخلي من البشاميل اشوي ..
واخيرا الجبن ...
وندخله الفرن .. لما يستوي .. ويتحمر اشوي .. تقريبا 20 دقيقه كفايه ..
وهذا شكله بعد ما يستوي ..
وبالعاااااااااااافيه .. على قلبكم ..
تره طعمه ايهبل
تحياتي
هديل الحب