عدد الرسائل : 91 العمر : 36 العمل/الترفيه : sTuDeNt In UoB تاريخ التسجيل : 10/09/2008
موضوع: كشــــــــري الجمعة سبتمبر 26, 2008 3:08 pm
السلام عليكم ..
شخباركم ؟؟؟ عساكم بخير جبنا لكم طريقة عمل الكشري وان شاء الله تعجبكم
خطوة خطوووة
اول شي .. ناخذ العدس الاخضر .. ونفوحه في الماي .. لما يصير لين اشوي .. تقريبا ربع ساعه كفايه ..
بعدين نضيف له الرز .. والمعكرونه .. ونخليهم يفوحون لما يستوون .. ونضيف لهم ملح طبعا ونصفيهم عن الماي ..
بعدين نرجعهم للقدر و نخليهم يتنشفون على نار هاديه ..
تقريبا نفس العيش الابيض اذا نسويه ..
الحين نروح للصلصه .. نقطع طماطه - ثوم - فلفل اخضر - و بطاطس نفوحه ونقطعه - بقدونس .. ونضيف لهم ماي في الخلاط ..
ونخلطهم بالخلاط .. انا قسمتهم على مرتين في الخلاط ..
بعدين نحطهم في قدر .. ونضيف لهم صلصه طماطم وملح وبهارات .. ونخليه على النار .. لما يصير غليظ .. انا احب يكون لونه احمر .. فحطيت علبتين صلصه .. انتوا كيفكم